0 gabime titrat vijnë nga skripti yt, jo nga dëgjimi
Teleprompter shqip për ata që flasin para kamerës: shkruan tekstin, telefoni ta rrëshqet para syve ndërsa regjistron, dhe titrat dalin fjalë për fjalë nga ai tekst — pa transkriptim, pa asnjë emër të shkruar gabim.
Nga €4.99/muaj · 300 minuta video · anulo kur të duash
Kur regjistron me teleprompter, Titro nuk ka nevojë ta dëgjojë videon për të shkruar titrat: i ka fjalët nga teksti yt. Ajo që bën është t’i kohëzojë me zërin, fjalë për fjalë. Emrat e njerëzve, emrat e produkteve, shifrat dhe termat dalin saktësisht siç i ke shkruar — çdo herë.
Teksti rrëshqet lart pranë kamerës së përparme, me shpejtësinë që zgjedh ti, kështu që shikimi mbetet te shikuesi dhe jo poshtë te fletët. Ndal, kthe pas dhe rifillo sa herë të duash; regjistrimi është i yti, jo i teleprompterit.
Skripti është në dialektin dhe në stilin tënd. Nuk ka model që të „korrigjojë“ gegërishten në toskërisht ose që të ngatërrohet nga një fjalë angleze në mes: titrat janë teksti yt, me theksimin mbi fjalën që po thua.
Marrja del në editor si çdo projekt tjetër: tetë stile, tetë efekte hyrjeje, stilet e tua të ruajtura, prerje e heshtjes, eksport në cilësi origjinale. Dhe fjalët e skriptit nuk harxhojnë asnjë sekondë transkriptimi, kështu që janë gati më shpejt.
Në aplikacion, te Teleprompter. Shqip, gegërisht ose toskërisht, me çfarëdo emrash dhe termash — do dalin ashtu siç i ke shkruar.
Teksti rrëshqet para kamerës me shpejtësinë që zgjedh. Ndal dhe rifillo kur të duash.
Sa fjalë duken njëherësh, cili stil, cili efekt — dhe titrat kohëzohen me zërin tënd, fjalë për fjalë.
Rregullo çfarë të duash në editor dhe ruaje videon gati për TikTok, Reels, Shorts ose YouTube.
Ia vlen sa herë teksti ka rëndësi: një njoftim, një prezantim produkti, një mesazh për klientët, një video ku çdo emër dhe çdo shifër duhet të dalë saktë. Nuk ia vlen për një bisedë të lirë ose një intervistë — atje flet lirshëm dhe Titro të transkripton. Të dyja mënyrat janë në të njëjtin aplikacion, dhe projekti del në të njëjtin editor.
Një minutë video është afërsisht 130 deri në 150 fjalë kur flet natyrshëm. Për një video të shkurtër për rrjete sociale, 80 deri në 120 fjalë janë të mjaftueshme dhe lexohen pa nxitim. Fjalitë e shkurtra rrëshqasin më lehtë para syve dhe bëhen titra më të lexueshëm.
Një marrje me teleprompter harxhon minutat e planit njësoj si çdo video tjetër, sipas gjatësisë së saj. Nuk ka transkriptim, kështu që rezultati është gati më shpejt — por minuta e videos mbetet minutë. Me planin Creator ke 300 minuta në muaj.
Sa më afër, aq më mirë. Titro e kohëzon tekstin tënd me zërin fjalë për fjalë; nëse shton ose heq ndonjë fjalë gjatë leximit, titrat mbeten ato të skriptit dhe i rregullon në editor për disa sekonda.
Po, në të dy. Teleprompteri është pjesë e aplikacionit; në web nuk ka kamerë, prandaj marrja bëhet në telefon dhe projekti hapet pastaj kudo.
Po, para dhe gjatë regjistrimit. Dhe mund ta ndalësh, ta kthesh pas dhe ta rifillosh sa herë të duash.
Jo në këtë version: titrat janë teksti yt fjalë për fjalë, dhe përkthimi kërkon transkriptim. Nëse të duhet edhe anglishtja, regjistro pa teleprompter dhe përkthe me një klikim.
Po, sipas gjatësisë së videos, si çdo projekt tjetër. Vetëm koha e pritjes është më e shkurtër, sepse nuk ka transkriptim.
Ngarkoje tani dhe shihe të gatshme para se të mbarosh kafen.
